جمعية الزهراء الخيرية باسوان

اهلا بك عزيزى الزائر فى موقع جمعية الزهراء الخيرية باسون يمكنك التسجيل فى الموقع والمنتدى لمعرفة المزيد
جمعية الزهراء الخيرية باسوان

ترحب بكم


    قصيدة /اوعاك تثور للشاعر/محمد الكاجوجى

    شاطر

    تصويت

    هل أعجبتك.؟

    [ 1 ]
    100% [100%] 
    [ 0 ]
    0% [0%] 

    مجموع عدد الأصوات: 1

    محمد بقار

    عدد المساهمات : 8
    تاريخ التسجيل : 19/01/2010
    العمر : 33

    قصيدة /اوعاك تثور للشاعر/محمد الكاجوجى

    مُساهمة من طرف محمد بقار في الأربعاء ديسمبر 15, 2010 10:18 am

    اوعاك تثور...
    ماعادتش تنفع ثورتك...بينك وبين الحق مليون الف سور
    اوعاك تثور...
    واحلم ببكره زينا...يمكن ليالى الظلم ترحل أو تغور
    أوقات كتيره بينحصر بينا الشيطان وبنهزمه
    والظلم راكب ع القلوب من تانى صعب نحزمه
    اوعاك تثور...
    ماعادتش تنفع ثورتك...بينك وبين الحق مليون ألف سور
    قبلك كتير اتمردوا واتشردوا ف وسط الطريق...؟
    كان حلمهم زيك كده...كان قلبهم صافى وبرئ...؟
    اوعاك تثور...واوعاك تقول انك جرئ...؟
    واوعى الغرور...؟
    ممكن فى لحظه تلافى نفسك جوه جحر من الجحور...؟
    أو عضم تايه فى القبور...؟
    اوعاك تثور...واحلم ببكره زينا
    يمكن ليالي الظلم ترحل أو تغور...؟
    كل الوجوه اتغيرت...واحنا كمان...لازم نغير نفسنا...او لبسنا...نهرب لدنيا فيها ننسى نفسنا...؟
    ونعيش فى جحر من الجحور...وياريت يكون فى الجحر نور
    وساعتها مش ممكن نثور...؟
    اوعاك تثور...؟
    واذا كان حتاخدك عزتك أو جرأتك ونويت تثور...؟
    خليك بعيد...
    لا نعرفك
    ولا عمرنا شفناك على مر الدهور...؟
    وان حد سأك عننا...؟
    اوعاك تقوله اسمنا...؟
    انت لاعمرك شفتنا...؟
    ولا زرتنا جوه الجحور...؟
    اوعاك تثور...ماعادتش تنفع ثورتك...
    بينك وبين الحق مليون ألف سور...
    اوعاك تثور...
    واستنى ويانا الأمل ...يمكن يحقق حلمنا ونعيش هنا لحظة عبور...؟
    واوعاك تثور.

    قصيده للشاعر/محمد الكاجوجى

      الوقت/التاريخ الآن هو الجمعة نوفمبر 24, 2017 1:09 pm