جمعية الزهراء الخيرية باسوان

اهلا بك عزيزى الزائر فى موقع جمعية الزهراء الخيرية باسون يمكنك التسجيل فى الموقع والمنتدى لمعرفة المزيد
جمعية الزهراء الخيرية باسوان

ترحب بكم


    فوائد الزوجه النكديه

    شاطر
    avatar
    مصطفي ياسين عيسي

    عدد المساهمات : 58
    تاريخ التسجيل : 18/05/2010
    العمر : 30
    الموقع : unotefa@hotmail.it

    فوائد الزوجه النكديه

    مُساهمة من طرف مصطفي ياسين عيسي في الأحد يوليو 11, 2010 2:21 pm

    من يعتقد ان الزوجة النكدية ليس لها فوائد فهو مخطئ

    فللزوجة النكدية فوائد كثيرة ومن أهمها:



    تجعل لسان الزوج رطب بذكر الله

    طول اليوم قاعد يدعي حسبي الله ونعم الوكيل



    تساعد الزوج على غض البصر لأنه سوف يكره صنف الحريم



    تساعد الزوج على صلة الرحم

    لأنه على طول هربان عند أمه



    تساعد الزوج على أن يحافظ على وزنه ورشاقة جسمه

    لأنه دائما ً نفسه مسدودة عن الأكل



    وأخيراً ،تجعل من زوجها رجلاً عظيماً

    فبسبب قرفه وزهقه منها ، سوف يقضي وقتا ً أطول في العمل

    مما يجعله إنسانا ً ناجحاً في عمله ويحقق المثل القائل:

    "وراء كل رجل عظيم إمرأة"

    asmaa salah

    عدد المساهمات : 58
    تاريخ التسجيل : 23/05/2010
    العمر : 30

    رد: فوائد الزوجه النكديه

    مُساهمة من طرف asmaa salah في الأحد يوليو 11, 2010 4:09 pm

    السلام عليكم ورحمة الله وبركاته
    يالهوى ليه بس ياجماعة هى الزوجة اللى دائما نكدية ياسيدى هى بس عشان قعدتها ليل نهار فى البيت مبتشوفش حد مورهاش غير جوزها تنكد عليه لكن لو هو شخص عاقل يسبها تشتغل وتقضى يومها مع قرايبها زمايلها اى حد عشان متبقاش كده معاه مااانت لو قعدت نفس قعدتها ديه هتعمل زيها واكتر ده رائى بصراحة
    وكمان لو الزوج كان حريص انه يخلق جو من المودة والمحبة فى البيت باستمرار بالكلمات الطيبة اكيد هيكون ليها تاثير كبير وكمان هيبقاله اجر وثواب فى كده
    ومتهيالى الزوج لما يقول على زوجته نكدية يبقى هو كمان بيشارك فى كده لانها اختيارك من الاول ماكنت اخدت واحده غيرها ياسيدى وعامة اصلا الرجاله مبيعجبهمش عجب ولا صيام فى رجب وطبعا مش كلهم مش بعمم كلامى فيه شخصيات انا بنحنى ليها تقدير من عقل راجح وسعادة بشوفها بعينى ربنا يزيدهم يارب
    وربنا يهدى خلقه

    والثواب من الله في كل ما يصنعه مع زوجته وليعلم أن من أعظم أسباب الشقاق والنزاع بين الزوجين هو خلو الحياة الزوجية من عواطف المحبة المتبادلة بين الزوجين
    avatar
    محمود احمد زين
    المدير العام
    المدير العام

    عدد المساهمات : 82
    تاريخ التسجيل : 25/07/2009
    العمر : 35

    رد: فوائد الزوجه النكديه

    مُساهمة من طرف محمود احمد زين في الإثنين يوليو 12, 2010 2:47 am

    هههههههههه لالا ياراجل ده حياته بتكون جحيم هم بره وهم جوه
    المثل بيقول اسال مجرب ولا تسال طبيب .
    وهقولكم حاجه متجربة :
    اولا لازم تكون بتحبك قبل الزواج او بعده مش مشكلة اهم حاجه انك تخليها تحبك وتخاف من النسمة عليك يعنى لو قاعده جمبك وشافت نموسة طايرة بتقرب منك لوحدها تلقيها لقطتها من الهوا تعاملك كانك بجد سى السيد بس بالمفهوم الصح لانى عارف ان الكلمة ديه بتدايقهم ساعتها تاكد ان عمرها ما هتنكد عليك .
    ثانى حاجة انك تكون بتحبها برده قبل او بعد مش مشكلة المهم انك تحبها وتخاف عليها برده واهم حاجه ولازم تركز قوى على النقطة ديه انك تكون رومنسى جدا وتغرقها فى بحر من الكلام الحلو والجميل وتجبلها ورد اهم حاجه على فكرة مش هتكلفك كتير كتيرها 10 ج الورده صدقنى بتشتغل مش بتشتغل هيبقى شغلها الشاغل انها ازاى تبسطك وتخليك سعيد ولو كنت مدايق من اى حاجه فى حياتك بره البيت هتروح البيت تلقيها ولعت صوابعها العشرة شمع علشانك وعلشان تريحك وتشيل الهم عنك وبكده هتلاقى نفسك عاوز امتى تخلص شغلك علشان تروح بيتك وترتاح فيه تلاقى نفسك عاوز تهرب من الدنيا كلها وتروحلها .


    _________________
    ( رَبَّنَا اغْفِرْ لِي وَلِوَالِدَيَّ وَلِلْمُؤْمِنِينَ يَوْمَ يَقُومُ الْحِسَابُ )
    avatar
    مصطفي ياسين عيسي

    عدد المساهمات : 58
    تاريخ التسجيل : 18/05/2010
    العمر : 30
    الموقع : unotefa@hotmail.it

    رد: فوائد الزوجه النكديه

    مُساهمة من طرف مصطفي ياسين عيسي في الثلاثاء يوليو 13, 2010 4:27 am

    يارب الناس تسمع الكلام اللي انت بتقوله يا محمود بس الواقع غير كده ومعلشي يا اسماء عشان اساسا كلمه نكد ارتبطت ارتباط ابدي بالنساء مش عارف ليه مع اني بشوف ناس كتيره بيكون الزوج هو سبب النكد

    asmaa salah

    عدد المساهمات : 58
    تاريخ التسجيل : 23/05/2010
    العمر : 30

    رد: فوائد الزوجه النكديه

    مُساهمة من طرف asmaa salah في الأربعاء يوليو 14, 2010 2:31 pm

    ليه كده بس يامصطفى ده انت مصمم بقى ان النكد عند الستات مع ان محمود قالك الطريقة اللى تخليهم يلغوا الحكاية ديه اصلا بس بقوله برضوة مش فى كل الحالات حلك ده ينفع بس اهى برضوة طريقة يالا الله يعينكم بقى كل اللى اقدر ادعيهولكم
    avatar
    كوتى

    عدد المساهمات : 49
    تاريخ التسجيل : 17/02/2010

    رد: فوائد الزوجه النكديه

    مُساهمة من طرف كوتى في الخميس يوليو 15, 2010 5:35 am

    يانهار ابيض ليه بس كده لعلمك الست مش نكديه ولا حاجه ده كله افترائات على الستات حرام عليكم والله دول طيبين اوى وضعاف اوى انتوا الا صعبين

      الوقت/التاريخ الآن هو الأربعاء مارس 29, 2017 9:10 am